ஒரு சமூகத்தின் வீழ்ச்சி திடீரென நிகழ்வதில்லை. அது நூற்றாண்டுகள் நீளும் சிந்தனைச் சிதைவின் விளைவு. “தமிழ்ச்சமூகத்தின் வீழ்ச்சியும் எழுச்சியும் - பகுதி1" தமிழரின் வரலாற்றை வெறும் அரசியல் சம்பவங்களின் தொகுப்பாக அல்லாது, சமூக-உளவியல் மாற்றங்களின் ஆய்வாக அணுகும் அரிய முயற்சியாகும். சங்க இலக்கியங்களில் போற்றப்பட்ட அறம், வீரியம், சமத்துவம் கொண்ட சமூகம் எப்போது அடிமைத்தனத்திற்கும், ஜாதி அடுக்குகளுக்கும், கருத்தியல் சுரண்டலுக்கும் உள்ளானது? போர், பொருளாதார வேறுபாடு, நானிறக் கோட்பாடு, மதச் செருகல்கள், அரசியல் மாற்றங்கள் இவை எவ்வாறு தமிழரின் அடையாளத்தை மெல்ல மெல்ல மாற்றின? வரலாறு, வேதியியல், கணினியியல் ஆகிய பல்துறை கண்ணோட்டங்களுடன் இயலன், இராயன், பாலன் ஆகியோரின் உரையாடல் வடிவில் அமைந்துள்ள இந்த நூல், வாசகரை ஒரு பார்வையாளராக அல்ல, சிந்திக்கும் பங்கேற்பாளராக மாற்றுகிறது. இந்நூல் கேட்கும் கேள்விகள் கூர்மையானவை: தமிழன் எப்போது தன் அடையாளத்தை இழந்தான்? அறம் எப்போது அதிகாரத்தின் கருவியாக மாறியது.சமத்துவத்தின் மொழி எப்போது பிளவின்மொழியாக மாற்றப்பட்டது? வீழ்ச்சியின் வேர்களை அறிதலே எழுச்சியின் முதல் படி என்பதை இந்த நூல் வலியுறுத்துகிறது. இது ஒரு வரலாற்றுப் பதிவு மட்டுமல்ல - ஒரு சமூக சுய விழிப்புணர்விற்கான அழைப்பு.